|
قصص يومية قصص يومية
جاري التحميل ...

قصص رومانسية - حبي اكتمل الجزء الاول - قصص يومية

قصص رومانسية - حبي اكتمل الجزء الاول - قصص يومية


قصص رومانسية - حبي اكتمل الجزء الاول - قصص يومية


في بيت عيله قاعد فيه اخ وأخوه الاخ الكبير اسمه محمود والاخ الصغير اسمه ابراهيم محمود زوجته متوفيه وعنده ولد اسمه زين و بنوته اسمها ريم , و ابراهيم عنده بنوته واحده اسمها فاطمه ودي بقى كانت دلوعه بابا وماما مرات ابراهيم هي اللي ربت زين وريم مع بنتها فاطمه زين كان اكبر من ريم وفاطمه بسنتين .


حب


الشقتين كانوا قصاد بعض وكانوا دائما يلعبوا مع بعض زين كان بيحب فاطمه قوي و بيعتبرها اخته زي ريم بالضبط , وكانت فاطمه هي سرها وصحبتها ومش بيخبى عليها حاجه ابدا , زين وريم وفاطمه كانوا مع بعض في مدرسه واحده و رايحين جايين مع بعض ومش بيفرقوا غير وقت النوم وزين كان بيحب دايما يعمل عليهم الاخ الكبير والمسيطر دائما . 

الايام بتعدي بسرعه وفجاه بقى في الثانويه بس المره دي زين راح مدرسه ثانيه , زين كان كل يوم يخرج من مدرسته ويروح يجيب البنات من مدرستهم ويروحوا البيت ولكن كانوا بيتجمعوا في سنتر(درس) واحد , وكان معاهم واحد في السنتر اسمه وائل ووائل كان عينه من فاطمه وكان عاوز يصاحبها ولكن من صفات وائل انه فاشل و عيل صايع وبتاع بنات .

وفي مره من المرات وبعد ما الحصه خلصت فاطمه وريم اخر اتنين في القاعه كانوا بيلموا حاجتهم وكل الطلاب خرجوا ماعدا وائل , وائل : مايل على فاطمه وقالها ازيك يا بطه اخبارك ايه , فاطمه : باستغراب في حد يكلم حد كده كويسه في حاجه , وائل : حط ايده على دقنه وبص على فاطمه من فوق لتحت وقالها بقولك ايه ما تيجي نخرج باسلوب مش كويس و بطريقه غير محترمه .

ريم : ما تحترم نفسك يا ابني انت , وائل : هو حد وجهلك كلام يا ريم , فاطمه : ايه قله الذوق دي وبعدين انت مفكرنا ايه احترم نفسك يا وائل لو سمحت , وائل  : والله اشمعنا زين بقى هو حلال ليه وحرام لينا ولا ايه : ريم :  لا ده شكله اهبل رسمي , فاطمه : عيب اللي انت بتقوله ده و كفايه بقى لحد كده ولو سمحت مالكش دعوه بيا تاني .

في دخله زين القاعه ولقى فاطمه وريم ووائل واقفين مع بعض و سمع اخر جمله اتقالت , زين : في حاجه يا وائل , وائل : لا ابدا يا زين كنت بسال فاطمه على حاجه وانا ماشي سلام , زين : بالسلامه بس لو حبيت تسال حد تاني على حاجه ابقي تعاله اسالني انا , زين : بصلهم وقال كان عاوز ايه الولد ده : فاطمه : ارتبكت وقالت ابدا مافيش مش حاجه مهمه يعني مش يلا نروح بقى .

زين : أضايق و حاس ان في حاجه غلط بتحصل وخاف على اخته وبنت عمه ليكونوا عملوا زي البنات التانيه و هيكلموا ولاد ويمشي غلط , زين : يلا اتفضلوا قدامي ولما نروح لنا كلام ثاني طول الطريق ما حدش اتكلم فيهم خالص ولما وصلوا البيت , زين :  ها يلا حد يفهمني بقى , فاطمه وريم بصوا لبعض وقالوا في نفس واحد نفهمك اي .

زين : انت هتستعبطوا عليا كان عايز ايه منكوا الواد ده , فاطمه : اتهربت وقالت طب انا هطلع انا لاحسن جالي مغص جامد ومش قادره اقف , ريم : يا حبيبتي سلامتك تعالى اوصلك , زين : والله ولا كاني باتكلم , ريم : ايه يا زين بتقولك تعبانه ومش قادره تقف , طلعوا البنات ودخلو شقه فاطمه وزين طلع على شقتهم و دخل من الباب وشه بيطلع نار .


بوستات حب


ابو زين:  في ايه يا زين مالك داخل مش طايق نفسك كده ليه , زين : مافيش حاجه يا بابا : ابو زين : اختك وبنت عمك فيهم حاجه , زين : مفيش يا بابا بعد ما الدرس خلص وخرجنا كلنا ما عدا اختي وفاطمه فضلوا في الفصل دخلت علشان اشوفهم لقيتهم واقفين مع عيل شمال كده معنا في الدرس .

ابو زين : اكيد انت فاهم حاجه غلط احنا الحمد لله ربناكم تربيه صالحه واكيد اخواتك عمرهم مايعملوا حاجه غلط هي اختك فين , زين : راحت عند فاطمه فاطمه عامله نفسها تعبانه , ابو زين : طب استني لما تيجي وافهم منها الموضوع , في شقه فاطمه فاطمه : تفتكري زين فهم حاجه غلط يا ريم وشه ماكنش طبيعي وهو بيكلمنا .

ريم : ربنا يستر ده انا لما اروح هينفخني , فاطمه  : اوعى تحكيله على حاجه ده مجنون وممكن يعمل مشكله , ريم : الله يخربيتك يا وائل ولا كاننا عاملين جريمه انا هقوم امشي يا بنتي وادعيلي ربنا يعينى , ريم روحت شقتهم و بتفتح الباب بالراحه علشان تجري على اوضتها ريم بتفتح باب اوضتها ولقت زين في انتظارها .



زين : اتسحبتي حلوه ياختي , ريم : زيزو حبيب اختك ايه اللي مقعدك هنا , زين : من غير لف ودوران كده احكيلي اللي حصل لحسن اطين عيشتك , ريم : بص يازين انا متعودتش اكذب عليك هحكيلك بس اوعدني انك تصرف صح , زين : اخلصي سمعك ريم هدي اعصابك ماشي , ريم : وائل خلي فاطمه واقفه وجه قالها انه عاوز يخرج معاها واحنا والله اديناله على دماغه  . 

زين : مش عارف ليه انك حاسك بتحوري و بتكذبي عليا ، انا سامع اخر الكلام وهي بتقوله مالكش دعوه بيا تاني يعني في حاجه بينهم , ريم : والله ابدا اللي قولتهولك هو اللي حصل , زين : ورحمه امي لاعرفك يا وائل , بالليل ريم بتكلم فاطمه في الفون , فاطمه : حاجه حصلت عندك , ريم : حصل حصل يا اختي اللي خايفين منه وزين عرف كل حاجه و ناوي لوائل على نيه سوداء .

فاطمه : يا لهوي انت هتفضلي طول عمرك كده مابتعرفيش تخبي حاجه عليه , ريم :اعمل ايه بس ضغط عليا والله وماكنتش عارفه اقوله ايه وكمان ده كان شاكك ان في حاجه بينك وبينه , فاطمه : يا لهوي للدرجه دي انا كده لازم اتكلم معه عشان يفهم الموضوع كويس , ريم : انا فهمته بس انتي كلميه الصبح برضو , فاطمه : ماشي انا هاقفل علشان انام .

صباح اليوم التالي فاطمه بتفتح باب شقتها عشان تخرج قابلت زين في وشها هو وريم  , فاطمه : صباح الخير يا زين ، صباح الخير يا ريم , ريم : صباح الفل انا هسبق علي تحت علشان ساره واقفه لي قدام العماره , ساره زميلتهم وجارتهم من وهم صغيرين , فاطمه : عايزه اقولك على حاجه يا زين انا اهلي ربوني كويس و عارفه الصح من الغلط ومافيش حاجه اكتر ولا اقل من اللي ريم حكتهولك .

زين : ماشي يا فاطمه هصدقك بس كان نفسي لما يحصلك حاجه تضايقك اكون اول واحد عارف بيها اظن اننا مابيخبيش حاجه على بعض , فاطمه : طب ماتزعلش مني انا اسفه , زين : مسكها من خدودها وقالها اوعى تخبي عليا حاجه تاني , فاطمه : هههههه حاضر راحوا المدرسه وخلصوا وخرجوا .

وزين راح عشان يجيبهم كالمعتاد وهم ماشيين في الشارع زين شاف وائل زين جيت لقضاك خليكوا واقفين هنا انا جاي اهو , زين : وائل يا وائل , وائل : ايه يا عم ماسمعتكش في ايه , زين : اسمع بقى لما اقولك علشان مش هيعيد كلامي تاني اخواتي مالكش دعوه بيهم خالص , وائل : اممم انت عرفت والله يا عم ماجيت جنب اختك انا كنت بكلم فاطمه .

زين : والله بجد حد قالك ان فاطمه دي واحده من الشارع ما هي اختي وبنت عمي برضو لو شفتك مهوب جمب اي واحده من الاثنين شغلك هيبقى معايا و هتزعل مني , وائل : خلاص يا عم حقك عليه انا هاروح اتاسف ليهم , زين : لا لا لا انت رايح ولا انت جاي ماتكلمهمش نهائي فاهم وسابوا ومشي وعلى ما زين راح يقف مع للبنات لقي ساره واقفه معاهم .


رسائل حب


زين : ازيك يا ساره , ساره : بخير والله يا زين , زين : يلا يابنات علشان نروح , ساره : اسفه يا زين بس مش متعوده امشي مع شباب في الشارع يلا يا بنات سلام انا , زين : بيقول لـ فاطمه مؤدبه قوي البنت دي وكيوت اوي , فاطمه : مؤدبه اه في حاجه بغيره , زين : ما فيش يا ستي يلا .

مشيوا هما الثلاثه وروحوا , ريم : في ايه يا بطه مالك , فاطمه : هاقولك بعدين لما نبقى لوحدنا , كل واحد راح على شقته فاطمه دخلت على اوضتها وكانت مخنوقه جدا , باب شقه فاطمه بيخبط اهلا يا ريم ادخلي يا حبيبتي , ريم : ازيك يا عمي بطه جوه , ابو فاطمه : ايوه يا حبيبتي ادخليلها . 

ريم :  ايه يا بطه كان مالك بصراحه مستحملتش اشوفك متضايقه هو زين قالك حاجه زعلتك ولا ايه , فاطمه : لا ابدا معجب بساره بس وبيقول عليها انها مؤدبه وكيوت قوي , ريم : يا بنتي والله الواد زين ده بيحبك زي ما بتحبيه واكثر كمان , فاطمه :  طب وهو ازاي لحد حالا ما اخدتش باله اني بحبه ولو بيحبني زي ما بحبه ليه ماقاليش لحد دلوقت انه بيحبني وكل شويه يقول اخته اخته .

ريم : طب والله بيحبك وبكره تشوفي فكي التكشيره دي بقى , فاطمه : والله يا بنتي مش عارفه من غيرك كنت هاعمل ايه دائما مهونه عليا عمايل اخوكي دي , ريم : تشكرات تشكرات هاقوم امشي بقى دلوقتي عشان ما اسمعش كلمتين , فاطمه : ماشي يلا سلام عدت الايام ومرت الايام وكبروا وبقوا في الجامعه .

وبرضو زين شايف ان فاطمه اخته اللي ما بيقدرش يخبي عليها حاجه وفاطمه شايفه ان زين هو الشاب الوحيد اللي حبيته في حياتها وريم حبت واحد زميلها في الكليه اسمه (امير) وهو كمان حبها والنهارده خطوبتها , ريم : يلا يا فاطمه بقى هنتاخر لسه هنشتري الفستان وهنروح الكوافير , فاطمه : خلاص والله جايه اهوت الطرحه مكانتش عاوزه تضبط .

كلمت ساره شوفيها خلصت ولا لسه , ريم : ايوه كلمتها و مستنيانا تحت نزلوا البنات عشان يجيبوا فساتين الفرح ريم وساره جابوا فساتينهم بس ساره لا ,ريم : مش ملاحظه ان انا العروسه و ان انتى اللي ممرمطاني , ساره : ريم هي لازم فاطمه تحضر الخطوبه انا رجلي ورمت من اللف : ريم : يا بنتي كل الفساتين حلوه اختاري حاجه بقى .

فاطمه : ميلت على ريم وقالتلها يمكن اخوكي ياخد باله مني المره دي ويبطل كلمه انت اختي دي , ريم : طب والله بيحبك انتى , فاطمه : انت تسكتي خالص قلتيلي كده قبل كده ولا حاجه حصلت , وفجاه فاطمه عينيها وقعت على حتت فستان تحفه فاقررت تشتريه , ريم وساره : الحمد لله خلصنا بالليل في الخطوبه وسط المعازيم والغناء والرقص .

زين : ايه يا بطه الحلاوه دي عقبالك بقى , فاطمه : لسه بدري قوي يا زين عقبالك انت الاول , زين : خلاص يا ستي عقبالنا احنا الاثنين في يوم واحد , فرحت فاطمه جدا وحاسه أنه ممكن يكون بيحبها , خلص الفرح وكل واحد طلع على شقته و بعد كام يوم من الفرح راحوا هما الثلاثه الجامعه امير قبلهم وقال : ريم ايه يا قلب القمر ده .

زين : ما تضبط ياض مش قدامنا , امير : ايه يا عم خطيبتي وانا حر يلا يا بيبي نهرب احنا من هنا , ساره بتنادي علي فاطمه وزين, ساره : صباح الخير يا حلوين اخيرا جئتوا , زين : اه جينا يا ستي اصل الجامعه وحشتني قوي فاطمه بصت لزين باستغراب كده وحاسه انه بيوجه الكلام لساره صوت من بعيد بينادي يا زين يا زين .

زين : اهلا يا ابو حميد لك وحشه يا راجل , احمد : وده صاحب زين جدا جدا , احمد : ايه يا عم زين المزز الحلوه دي , احمد : قلي مين القمر دي وبيشاور على فاطمه , زين : اوعا تكون مش عارفها دي فاطمه بنت عمي ، هي دي اخرت اللي بيسافر بره و ينسى اصحابه واهله وناسه , احمد : بجد دي بطه ياه دي حلوه قوي .

زين : باقولك احترم نفسك احسنلك , احمد: خلاص يا عم خلاص هسلم عليها طيب , احمد : ازيك يا بطه اخبارك ايه , فاطمه : كله تمام يا احمد ناوي تفضل في مصر ولا : احمد : والله كنت هسافر تاني بس بعد ما شفت الوش القمر ده لا ناوي استقر في مصر : زين : أضايق جدا وحاسس بالغيره على فاطمه وتلقائيا داس على رجل احمد .

احمد : اه اه اه اي عم بالراحه , زين : ماقلتلك احترم نفسك , ثاني يوم في الجامعه واقفين كلهم في حديقه الجامعه واحمد رايح علشان يقف معهم , احمد : السلام عليكم ازيك يا بطه عامله ايه , فاطمه : الحمد لله كويسه , فاطمه اتكسفت جدا لانه ماكلمش حد من اللي واقفين غيرها , زين في باله اشمعنى ماكلمش حد من اللي واقفين غير فاطمه واضايق جدا .

زين : ايه يا عم احمد انت مش شايفنا ولا ايه على العموم يلا يا شباب المحاضره هتبدا عن اذنك يا ساره باي يا فاطمه , امير : باي يا بيبي , ريم : باي ريم همسه فودن فاطمه من غير ما ساره تسمع على فكره ده شكله واقع لشوشته , فاطمه : ما يقع وانا مالي انت عارفه كويس قوي انا بحب زين , ساره: انتم بتقولوا ايه .

ريم : ولا حاجه يا قلبي يلا نلحق المحاضره بتاعنا احنا كمان , وبعد ما المحاضرات خلصت اتجمعوا ثاني في حديقه الجامعه , ريم : ايه يا زين انت مش ناوي تقولهم اخلص بقى , زين : عيله رخمه بوظت المفاجاه كلهم في نفس واحد مفاجاه ايه , زين : يا ساتر يا رب بصوا يا جماعه بابا الحاج محمود المحترم .


رسالة حب


جالوا سبع تذاكر السخنه لمده اسبوع ومبدئيا كده انا وريم وامير وفاطمه طالعين الرحله دي وانت يا احمد انت وساره هتعملوا ايه , ساره : انا قشطه طالعه معاكم واحمد بص لفاطمه بطريقه محرجه وقال ادام انتم طالعين انا كمان طالع ,فاطمه : بس يا زين انت عارف كويس قوي ان بابا وماما مش هيوافقوا اني ابعد عنهم .

ريم : لو على عمي وطنط سيبيهم على انا هعرف اقنعهم , زين : الموضوع عندي يا بطتي ماتقلقيش فاطمه ضحكت وقالت ماشى , بس زين اضايق جدا من باصات احمد لـ فاطمه , زين وريم : اقنعوا ابو فاطمه أنها تطلع معاهم الرحله , زين بيخبط على باب اوضه فاطمه , فاطمه : زين بتعمل ايه هنا , زين :بضحك هبات هنا عندك مانع .

فاطمه : هتبات هنا ازاي يعني , دخلت ريم وزقت زين ريم بطل البواخه بتاعك دي كل الموضوع يابنتي كلمنا عمي على الرحله ووافق الحمد لله , فاطمه : ياس بجد ميرسي جدا يا زين , ريم : بجد ميرسي جدا يا زين وكانه اقناعه لوحده , بتريقه زين وفاطمه بصوا لبعض وجريوا علي ريم وهاتك يا ضحك وهزار واخيرا جه يوم الرحله  .

وفي الباص فاطمه وزين قاعدين جنب بعض وريم وساره جنب بعض واحمد وامير جنب بعض قاعدين يغنوا ويرقصوا في الباص , زين مايل علي ودن فاطمه وقالها انا عاوز اقولك على حاجه مهمه جدا , فاطمه : حاجه زي ايه يا زين , زين : حاجه بخصوص نص حياتي الحلو ومصيري ومستقبلي الجاي يا تري زين عايز يقول لفاطمه اي ؟؟؟؟, تابع باقة القصة عبر الرابط التالي.

قصص رومانسية - حبي اكتمل الجزء الثاني - قصص يومية
زائرنا الكريم : رجاءآ لاتنسى الاشتراك في مواقع التواصل تشجيعآ لنا لتقديم الافضل وحتى يصلك كل جديد
  
شكرا لك .. الى اللقاء 
*
*

ليست هناك تعليقات:

قصص يومية هو موقع عربي لتقديم قصص عربية متنوعة من قصص اطفال و قصص الانبياء وقصص رعب وافضل انواع القصص الطويلة والقصيرة والمميزة للصغار والكبار.

جميع الحقوق محفوظة

قصص يومية

2019